Utawala

Bw.Sadiki Mrisho

Kaimu Mkuu wa Idara ya Utawala na Utumishi

Halmashauri ya Mji wa Babati ina jumla ya Kata 8, Mitaa 35,Vijiji 13 na Vitongoji 54.Halmasahuri ina Mbunge 1 wa kuchaguliwa na ina Madiwani 8 wa kuchaguliwa pamoja na Madiwani 3 wa viti maalum.Idara ya utawala na utumishi inatekeleza majukumu yake kwa mujibu wa sheria ya utumishi wa umma za mwaka 2002 pamoja na kanuni zake za mwaka 2003,Taratibu za uendeshaji wa utumishi wa umma za mwaka 2003,kanuni za kudumu za utumishi wa umma za mwaka 2009 toleo la 3 pamoja na miongozo mbalimbali inayotolewa na serikali ihusuyo Utumishi wa umma.

Kazi na Majukumu ya Idara ya utawala na Utumishi

• Kushughulikia stahili mbalimbali za watumishi ikiwemo mishahara,matibabu,likizo, masomo n.k
• Kusimamia/kushughulikia stahili wa Waheshimiwa Madiwani ikiwemo posho za mwezi za vikao.
• Kusimamia kwa kushirikiana na wakuu wa Idara na Vitengo kuhakiki na kuondoa watumishi wote wasiostahili kulipwa mishahara kwa sababu mbalimbali.
• Kutafsiri sheria,Kanuni,Taratibu pamoja na miongozo mbalimbali inayohusu utumishi wa Umma.
• Kusafisha taarifa za watumishi (data cleaning) kupitia mfumo wa taarifa za kiutumishi na Mishahara (HCMIS-Lawson)
• Kusimamia nidhamu na maadili ya watumishi wa Halmashauri ya Mji wa Babati
• Kusimamia,kuandaa,kuratibu uendeshaji wa vikao katika ngazi ya Halmashauri na ngazi za msingi
• Kusimamia na kuratibu zoezi la ujazaji wa fomu za mapitio ya wazi na tathmini ya utendaji kazi (OPRAS)
• Kushughulikia mafao ya watumishi ambao ambao utumishi wao umekoma kwa sababu mbalimbali za kisheria
• Kuratibu masuala ya Ajira na kuthibitisha kazini watumishi
• Kuandaa mpango wa mafunzo kwa watumishi wote.