TASAF-Uhawilishaji wa Ruzuku kwa Kaya maskini

Imechapishwa: October 1st, 2020

Mfuko wa Maendeleo ya Jamii - TASAF umeendesha zoezi la uhawilishaji wa ruzuku kwa kaya maskini. Zoezi hilo lililochukua muda wa siku mbili yaani tarehe 29 na 30 Septemba 2020 ikiwa ni malipo ya awamu ya kwanza katika utekelezaji wa awamu ya pili ya mpango wa kunusuru kaya maskini.

(Picha: Nyeneu, P. R) Miongoni mwa walengwa wa Mpango wa kunusuru kaya maskini TASAF wakiwa wanasubiri mgao wa fedha katika Mtaa wa Mrara.

Aidha malipo haya yalikuwa ni ya awamu mbili, ambazo ni Julai - Agosti 2020 na Septemba - Oktoba 2020 ambapo kiasi cha fedha jumla ya shilingi 62,332,000 zimelipwa kwa walengwa kutoka mitaa yote kumi na tano (15) ambazo ni Babati Mjini, Hangoni, Maisaka B, Majengo, Kwere, Mrara, Waang'waray, Mji Mpya, Negamsi, Ngarenaro, Nyanguu(Nyunguu), Oysterbay, Arri, Nangara Kati na Gendi Barazani, na vijiji sita (6) ambavyo ni Nakwa, Kiongozi, Malangi, Chemchem, Singu pamoja na Managhat.

(Picha: Nyeneu, P. R) Miongoni mwa walengwa wa Mpango wa kunusuru kaya maskini TASAF akiwa tayari kuchukua ruzuku ya kaya yake.